السبت، 17 يوليو 2010
كل لحظة
كل لحظة بتمر عليا أنت في خاطري خاطري وعنيا
أنت في فني البعيشوا في المدي الابدية
***
انا لوعارف خصامك لي ايامه بتطول كنت ما اترددت لحظة لما حار بيا الدليل
انسى ظلمك وارجى حلمك وانسي كل الراح قبيل
لكن حبك فوق ارادتي حبي ليك فاق المستحيل
***
قدر ما حاولت أخاصمك وأنسي الامي واسايا
واكتم الغيرة الفي قلبي واطوي جرحي في الحنايا
القي اثرك في حواسي وظلك يتبعني في خطاي
القي كل الدنيا حولي تهاتي بي اسمك معايا
لكن انت هدمت املي باقية عشرة نبيلة سامية
أنت في فني البعيشوا في المدي الابدية
***
انا لوعارف خصامك لي ايامه بتطول كنت ما اترددت لحظة لما حار بيا الدليل
انسى ظلمك وارجى حلمك وانسي كل الراح قبيل
لكن حبك فوق ارادتي حبي ليك فاق المستحيل
***
قدر ما حاولت أخاصمك وأنسي الامي واسايا
واكتم الغيرة الفي قلبي واطوي جرحي في الحنايا
القي اثرك في حواسي وظلك يتبعني في خطاي
القي كل الدنيا حولي تهاتي بي اسمك معايا
لكن انت هدمت املي باقية عشرة نبيلة سامية
قصتنا
قـصـــتنا
بالمعزة ....بالمودة البينا بي أغلى الصلات
بالهوى العشناه بي أعصابنا
خمسة سنين ومات
بالعذاب الشفتو
والسر الكتمتو
وباقي الطيبات
استحلفك أترك سبيلي
وسيبني وحدي
أقاسي وأبكي مر الذكريات
أنا بي حناني الغالي خصيتك
وحبيتك بكل جوارحي
وعواطفي العميقة
أنا شلت من أجلك هموم الدنيا
قاسيت من جراحها وكل ضيقها
لسعادتك إنت كم ضحيت وإتغربت
ما خليت طريقة
وفي مسيري المضني من أجل الحقيقة
كل طائر مرتحل
عبر البحر
قاصد الأهل
حملتو أشواقي الدفيقة
ليك ياحبيبي للوطن
لي ترابه .. لي شطآنه
للدار الوريقة
لكن حنانك لي
أو حتي مشاعرك نحوي
ما كانت حقيقة
كانت وهم ...
كانت دموع
مسفوحة بي أحرف أنيقة
ما بي إيدي
لو ضباب الغيرة
أعماني وزيف لي الحقيقة
إنت نبع حناني
إنت كياني
إنت الدنيا
بهجتها وشروقها
وإن حصل زلت خطايا معاك
أو ضلت طريقها
هل تصدق تنـتهي قصتنا
يا أجمل حقيقة
نحن عشناها بدموعنا
وبالضنى في كل دقيقة
ياحبيبي
لم تزل قصتنا
قصة حب أقوى من الحقيقة
الاشتراك في:
الرسائل (Atom)